黑面琵鷺之歌(撓「片不」兮歌)

(

原始相片檔案下載
http://www.bfsa.org.tw/tc/images/20070325181238.jpg
mp3下載
http://www.bfsa.org.tw/tc/download.php?sn=38

『烏面撓「片不」』著是「黑面琵鷺」；美國話叫做Black Faced Spoonbill；學名叫做Platalea minor。

　　這隻鳥仔誠(chiaN^5->7)特別！面仔(bin⁷ a²)烏烏、翅仔白白、喙(chhui³)更(ko)扁扁長長。佮別儂無共款。 扁扁長長兮物件叫做『「片不」』(poe). 親像「船槳」叫做『船「片不」』; 「乒乓球拍」叫做『乒乓「片不」』; 有句俗語話講『死鴨仔硬喙「片不」』。 佇水內攪動叫做『撓』(la⁷)，咱兮祖先看伊用扁扁長長兮喙「片不」，佇水內焉爾(an ne)撓咧撓咧，所以將伊叫做『撓「片不」』。因為伊兮面是烏色也，所以咱看鳥仔兮儂，也(ia^7->3)共(kan^7->3，ka^7->3)伊叫做『烏面也』 (oo^1->7 bin⁷ e³ )，假若(ka^2->1na)是咧叫咱茨(chu^3->2)邊兮囡仔(gin^2->1 a)，聽起來嘛真親切。

　　全世界『烏面也』(oo^1->7 bin⁷ e³ )偆(chhun^1->7)差不多六、七百隻爾爾(nia^7->3 nia⁷)，（人因） (in⁷)較(kha)驚熱，所以佇熱人兮時節(時辰 si^5->7chun⁷)，（人因）攏蹛(toa^3->2)佇寒帶較（勿會）(be^7->3)赫(hia)熱兮所在，親像 西伯利亞、日本、中國東北、韓國等所在。唔過(m^7->3 ko) 若(na^7->3)到起秋風，天氣轉(tng^2->1)涼兮時，佇北方食物也漸漸較(kha)少，為著活命，趁值(tit^8->4)成(ciaN^5->7)十月也，（人因）著陸陸續續搭著東北季節風兮順風車，對寒冷兮北爿，飛來較燒熱兮南方。有兮飛到福建、廣東、廣西，有兮飛到香港、越南，但是上界濟、有一半以上飛來台員，尤其是飛來台南地區歇睏、過冬。上濟(che⁷)兮時節(時辰，si^5->7 chun⁷)1999年12月10日，捌(bat^4->8)有463隻來到台南七股這附近。

　　是樣怎(an^2->1 chuaN²)有這呢濟兮『烏面撓「片不」』卜(beh^4->8)來台員呢？

　　有儂講是台員兮地理好。沒唔著(bo^5->7 m^7->3 tioh⁸)！台員是一個好所在，佇(ti^7->3)亞熱帶兮所在，冬天（勿會）(be^7->3)像（人因）(in^1->7) 寒到會落雪；地點也好，值(tu^2->1)好佇由北落南兮半中途，唔過上重要兮，是這(chia)有充足兮物件(mih^8-3 kiaN⁷)當(than^1->7)予(hoo^7->3) 『撓「片不」』來食。

　　是樣怎這有物件當予『撓「片不」』來食呢？這著愛唯(ui^5->7)台南兮地理變遷來講起。

　　佇三、四百冬前，台南附近兮海岸線差不多位佇台南市永福路、向北對鹽行、西港仔、起去；佇本島西爿(peng⁵)，海中有一寡大大小小兮沙洲。唯茄萣仔、億載金城、安平、鹿耳門、海翁島、清風隙、一直上北，攏是沙洲。 (古早將浮佇海中兮沙洲叫做鯤鯓，安平著是一鯤鯓 億載金城著是二鯤鯓。)佇FORMOSA本島佮這兮沙洲之間形成一個內海，叫做『台江內海』。後來因為溪流帶來山頂兮沙石也，海流帶來飄沙，二、三百冬經過了後，台江內海己經坌(pun^7->3)到差不多了。即馬(今也,kim a ->chim a²)大概偆安平新港、四草湖、佮七股內海仔爾爾。 因為台南兮安平區、安南區、七股、等所在攏是內海坌起來兮，地勢較(kha²)低，容易積水，土肉又更(ko)帶鹽份，無適合種作(cheng^3->2 cho⁴)。所以，佇這款所在，大部份攏是作塭仔、飼魚仔。

　　到熱天、秋天，塭仔內兮魚飼大隻囉，著收成牽起來賣。然後，著將水洘(kho^2->1)乎礁(凋,ta)，利用冬天兮日頭，將塭底兮土曝曝(phak⁸)咧，日光消毒，等到過春了後，才(chia)更(ko)引海水入塭來飼魚。佇即段無飼魚，曝坪過冬兮時節(si^5-7 chun)，有的塭底猶有(iu^5->7 u^7->3, iau¹ u^7->3 )一寡也(chit^8->3 kua^2->1 a)雜魚仔，水也沒誠峘(kuan⁵)，『撓「片不」』企(khia⁷)咧（勿會）(be^7->3)去乎淹死，更有魚仔當食，真正好！莫怪（人因）(in^1->7)會食好湊(cho³,chau³, -> tau^3->2)相報，相招來即塊(chit⁸ te³ ,-> chit⁸ le)好所在。

　　唯(ui^5->7)成十月左右，『撓「片不」』著開始出現佇曾文溪口，十一月、十二月，一批一批更(ko)繼續飛來，佇十二月到正、二月，七股『撓「片不」』兮數量上界濟(che⁷)。『撓「片不」』一隻差不多二、三斤重，五、六十公分峘(kuan⁵)，（人因）佇(ti^7->3)這(chia)歇睏、過冬，補充體力。到正、二月年跤兜(ni^5->7 kha^1->7 tau, 舊曆過年)兮時節(si^5->7 chun⁷)，大隻『撓「片不」』(成鳥)兮頭殼後佮胸前著生出金黃色兮毛，誠美(水,(sui²)，假若捋(loah^8->3)一粒「龐克頭」咧。到三、四月也，這兮大隻『撓「片不」』著陸續開始飛倒轉去囉。（人因）愛飛轉去北方做岫、放卵、孵鳥仔囝；細隻少年兮『撓「片不」』(亞成鳥)無繁殖兮壓力，著無赫緊走，會加(ke^1->7)留一陣仔，到四、五月才(chia)分批相招轉去。

　　去年(1999)利用人造衛星兮追蹤，頭一遍發現『撓「片不」』唯台員飛出去，經過中國大陸沿海福建、浙江、江蘇等所在，最後到渤海、黃海、南北韓交界停戰區。差不多用二、三禮拜兮時間來完成二千外公里兮路程。（人因）卜佇這(chia)繁殖生囝、成養(chiaN^5->7 iuN²)後代，到成十月也，天氣轉涼，才更(chia ko)大隻細隻相招落南過冬。

　　全世界統計，『撓「片不」』偆差不多六七百、七八百隻爾爾，企佇眾生平等、保育兮出發點，『撓「片不」』已經是全世界性兮保育動物矣(a³)。這幾冬來，有一半以上兮『撓「片不」』飛來台南、七股地區過冬，這是歷史造成兮自然地理條件，佮咱兮魚民經營魚塭兮方式所形成兮，也正是咱大家兮福氣。行幾步也路，唔免坐飛行機去外國，著會當看著世界級兮寶貝，別塊(pat^3->3 le⁷)所在著無這(chia)好堪(ho^2->1 khan)囉！這也表示：這塊所在猶未受著污染，七股內海仔這附近，是台員西海岸盡偆兮、環境猶未受著嚴重破壞兮所在，真正是需要咱大家做夥來共伊疼愛，寶惜！

　　咱愛好好也(ho^2->1 ho^2->1 a)惜福，保護祖公也(cho^2->1 kong^1->7 a²)留予咱兮好山水、好地理。予(hoo^7->3)溪水、海水會清氣，溝仔內攏看會著魚仔著洇；土地無受著有害廢棄物兮污染，唔免煩惱食著「鎘米」、蹛佇「汞污泥」兮頂峘(teng^g2->1 kuan⁵)；予空氣會清芳, (勿會)(be^7->3)去乎工場、墨賊車兮廢氣激到(ka)走無路；唔當亂莝(chho^3->2)樹木，才(chia)無土石流；唔當亂挖沙石，才（勿會）(be^7->3)斷橋；焉爾(an ne)咱儂才會勇健(iong^2->1 kiaN⁷、康健(khon^1->7 kian⁷)，咱兮囝孫仔才(chia)有所在當(than^1->7)蹛(toa³)落去。 透早起來，有鳥仔唱歌予咱聽；出門有花芳當鼻、有娓蠂(be^2->1 iah⁸)跳舞予咱看；予咱兮囝囝孫孫攏有魚仔當釣、世界各國兮儂，著愛坐飛行機來台南、來七股看『撓「片不」』，去內海仔兮看蟳仔、看沙山、看紅樹林、看白鷺鷥、看鹽山、食虱目魚。予台南、七股變做儂、魚仔、鳥仔、樹仔、攏總好企起兮好所在，變做世界出名兮生態觀光地區！  

資料來源: 台南縣黑面琵鷺保育學會
http://www.bfsa.org.tw/tc/spoonbill-in-3.php